نقشر فوله .. وناكل فوله

نقشر فوله ونأكل فوله

نبنى عماره وتنهد عمارة
ده هو الحال اليومين دول
افتح أي برنامج أو نشرة أخبار
تلاقى خبر عن عماره وقعت وناس بيحاولوا يطلعوا اللي تحتها
وتلاقى الوزير بيقول في مكالمة تليفونيه أو مستضفينه في برنامج
والله المالك السبب هو اللي طلع العمارة دورين زيادة
أو هو اللي رافض يرمم
طب و بعدين

وكان فين دورك من الأساس لما تراخيص البناء طلعت
ولما المالك رفض يرمم
ولما الأهالي اشتكت
طب طلعهم حتى لو استخدمت العنف
ورمم
وبعدها هيرجعوا وهما شاكرين أفضالك
ولا العنف بينفع في حاجات تانيه وخلاص

تعالوا ندور كده على أسباب سقوط اى عماره اليومين دول

1. المالك غش في مواد البناء

2.المالك طلع دورين أو أربعه زيادة عن المسموح

3. قرار إزالة أو ترميم لم ينفذ

برضه الحق مش على المالك لوحده
كان فين المسئول لما المالك غش
وكان فين برضه لما طلع دورين زيادة

والأهم والأكبر خطورة كان فين وقت ما الترميم و الإزالة كان لازم يحصل؟

طالما بقى كل واحد فيهم أكل وهو في مكانه فخلاص
بلاش يتحرك من مكانه مهو خلاص أكل

وأخيرا وليس آخرا

انهيار عمارة بارتفاع 12 طابقاً في الإسكندرية
وارتفاع عدد الضحايا
وإنقاذ سيدتين
ونجح فريق الإنقاذ في انتشال بعض الجثث

والله وحده اعلم هيطلعوا الباقي امتى

كان يضم المبنى 36 شقة، من بينها 24 شقة مأهولة بالسكان
يعنى احسبوها على الأقل لو في كل شقه4 يبقى المجموع كام
وطبعا اللي في شقق اكتر من المجموع

يعنى هي ناقصة مصايب
هي المشرحة ناقصة قتله


ملحوظة
بس مهمة جدا

فى سنة 2000، قتل 16 شخصا عندما انهارت بناية من ستة طوابق فى شهر مايو فى القاهرة

في سنة2002 قتل 27 فردا في مدينة دمياط في حادث انهيار مماثل

انهيار عمارة عباس العقاد في القاهرة عام 2004

فى أكتوبر 2006 قتل سبعة أشخاص في انهيار بناية في مدينة المنصورة بدلتا النيل

قتل في مايو الماضي، شخصان في انهيار بناية في حي السيدة زينب



يبقى
المسئولية مشتركه
يبقى ليه وقت المصيبة نظهر ونقول والله إحنا شايفين شغلنا وكله تمام بس السكان هما اللي مش عايزين يطلعوا

الحكاية كلها زى اللي بيدور في دائرة ومش عايز يخرج منها ويشوفها من بره
وطول ما الكل بيلف حوالين الدائرة
طول ما كل يوم هتقع لنا عمارة واثنين وثلاثة

الموضوع كبير
و دي أرواح ناس والنفس مش من السهل نتخلى عنها كده



ميناس صلاح الدين

هوس البنات بالميكب

هوس البنات بالميكب

***********
بدأت ظاهرة إدمان المكياج فى الآونة الأخيرة تتزايد بشكل مخيف والدليل الأكبر على ذلك معدل المبيعات والذى بالطبع فى صالح التاجر، ولم يقتصر الوضع فقط على مجرد المبيعات أو وضع المكياج لتشعر الفتاة بأنها أجمل بل أصبح هناك موضة للمكياج وألوان لكل عام وطرق جديدة وشرائط وكتب ومجلات لتعلم فنون وضع المكياج .

وأصبحنا نجد المكياج الصارخ فى ضوء النهار وفى الجامعات ،كما أصبحت الفتيات صغيرات السن باراعات فى وضع المكياج وكل ذلك لم نكن نعهده من قبل . لكن بالرغم من ذلك نجد من فضلن الاحتفاظ بالمظهر البسيط الجميل فى وضع المكياج وذلك كان واضحا من خلال الاراء المختلفة والمتضاربة حول ذلك الموضوع .

تقول شيماء احمد - وهى طالبة بكلية التجارة جامعة المنصورة: يجب ان يكون المكياج بأصول وابالنسبة لها لا تحب الا الكحل واحيانا بعض اللمسات الخفيفة وتكره الالوان المبهرجة والملفتة التى تضعها الطالبات داخل الحرم الجامعى وانهت كلامها (لكل وقت أذان) .

اما هبة لطفى قالت: احب الايشادو والروجاجوو اما الباقى ماليش فيه

واكملت صديقتها هند محمد كلام هبة :ان الفتيات اللاتى تذهبن الى الجامعة ب(الفل ميكب) ملهمش حق خااااالص لانهم من الاخر ولا شكل ولا صحة لأن كثرة المكياج على الوجه تضره جداااااااا

اما سوسن صيام قالت بكل بساطة: ماليش فيه لانة ليس من الاساسيات عندى لكن احيانا (تطق فى دماغى واحط) لكن نادرا جداااا

شيماء عبد الرحمن قالت رأيين : بصراحة من ناحية الدين هو حرااااااام لكن رايى انا او يعنى انا بحط مكياج لانى بحس بيه انى احلى وطبعا ممكن انزل يوم من غيره لكنى احب المكياج واحب التفنن فى وضعه واتابع كل ماهو جديد فيه

اما وجهة نظر ريهام زكريا كانت مختلفة تماما عن كل الاراء السابقة فهى ترى ان الميكب ارضاء للنفس حتى لو خفيف جدا لكنها تضعه حتى تشعر بالرضا والثقة بالنفس ومؤمنة ان الشكل الطبيعى أحلى وان هناك بنااااااات أجمل كتييييير من غيره

ورأى سارة خطاب كان : المكياج بقى شىء عادى جداا و ان هناك بنات تحتاجه لاخفاء ارهاق ملامحها وبنات تانية لا تحتاجه لكنها تضعه (بغباوة) لكن عن نفسى لا استخدمه الا قليلا كل فين وفين

اما مروة محمد فقالت:لو حطيته كل يوم سوف يصبح عادة لكنى احب وضعه فى الافراح او فى مناسبات معينة واحب ان اشتريه جداااا .. و لا اكره من تضعه لكنى اكره هؤلاء الفتيات اللاتى يضعنه حين يصلن للجامعه ثم خاطبتنى بجدية : لو مش مصدقانى تعالى نروح الحمامات وافرجك

اما هبة رفعت كان رأيها: ليس فى كل وقت ولا فى كل سن يعنى لماذا تضع بنات الثانوية العامة والمرحلة الاعداية المكياج!!!!!!! وقالت ايضا انها تحب المكياج البسيط ويثير استفزازها جدااااا تلك الفتاة التى تضع مكياجها يوميا فى حمام تجارة لاكثر من نصف ساعة ثم انهت كلامها (مش هى لوحدها ده غيرها كتييييييير)

وأول شىء أصرت عبير عنتر على لفت انتباهى اليه حمامات تجارة وشنط البنات التى تمتلئ بالمكياج فقط واكملت كلامها :مستحيل ان يكون مقياس جمال البنت بكم المكياج الذى تضعه والدليل ان هناك ممثلات جميلات جداااا مع المكياج البسيط

اما هبة حسنى فقالت: انا اعشق المكياج ومؤمنة انه حرام فى الشارع ولا اضع مكياج ملفت فى الشارع ممكن بودر او روجاجو بس عشان الحبوب لكن طبعا فى البيت بحب التفنن فى وضعه واحب الاحتفاظ بكل مايتعلق به فى المجلات واتابع كل ماهو جديد فيه والمفروض كل البنات تعمل كدا

لكن هايدى قالت: هو حرام لكن مقدرش ابطله لكن انا مش اووفر فيه واكملت بسمة : وانا كمان بحبه جداااا واحب الاهتمام به وبحب يكون عندى مكياج كثير جدا وفى ناس بيكون حلو عليها المكياج الكامل وناس المكياج البسيط بس برضه خلقة ربنا حلوة من غير حاجة

وانهت سماح برأيها : أكيد الصبح بلاش وكل وقت وله مكياج

تلك كانت اغلب أراء البنات من داخل اسوار جامعة المنصورة وكان من المدهش ان اراء الشباب اجتمعت حول راى واحد لذلك السبب لم اذكرها وهو (ارحموناااا م القرف اللى بتحطوه مفيش احلى من البساطة الميكب السمبل ارق كتير )

تحياتى

تحقيق أجرته : نهى الوكيل

صدق أولا تصدق

صدق أو لا تصدق

***********
تصدق انك بتشرب مبيد حشري
تصدق انك بتشرب منظف ارضيات
تصدق انك بتشرب بنزين
تصدق انك بتشرب زرنيخ كمان
آه
كل ده ومره واحده وفى وقت واحد
ولو مكنتش بتشرب أكيد بتستنشقهم من غير ما تحس.......
هتقولي إزاي؟؟؟
تخيل كده انك ماسك علبة البيرسول وبترش منها جوا بؤءك
أو رحت محطة بنزين ومسكت خرطوم البنزين وشربت شوية
هتقول ايه الهبل اللى بيتقال ده!!!
في شيء منتشر بين الشباب والكبار كمان(عشان منزعلهمش) والكل عارف انه مش كويس
وبرضه مش بنمنع نفسنا عنه
التـــــــــدخيــــــــن
أى
السيجـاره
منتشر بشكل واسع جدا بين الرجال والستات بإختلاف الأسباب
وآه
مكدبناش لما قلنا إنك بتشرب مبيد حشري ومنظف ارضيات وبنزين وزرنيخ
لان التبغ اللى بيتكون منه السيجاره موجوده فيه كل الحاجات دي وازيد شويات
وآه
مكدبناش لما قلنا اننا لو مبنشربوش اكيد بنستنشقه من غير ما نحس
لان ده اسمه التدخين السلبي
ورغم حملات التوعيه عن السيجاره واضرارها
ورغم ان علبة السجاير اللى صنعها بيبريء ذمته بإنه يكتب عليها
(السجائر مضرة بالصحة)
واحنا بنعمل نفسنا مش واخدين بالنا
ورغم اننا شايفين نتيجة التدخين فينا وحوالينا
ولسه مصممين
ولان كل يوم بيزيد عدد المدخنين
انا لما بدخن بأذي نفسى وغيري كمان
ولانه منتشر مش بس بين الاولاد ، لا والبنات كمان.........آه البنات
قلنا ننزل ونشوف الشباب شايفين الحكاية إزاي؟؟؟
هل هو موضوع رجولة؟
ولا روشنه؟
ولا لان الموضوع مش فارق؟
وازي بدأت الحكايه؟
و الاصحاب السبب ولا البيت ولا مين السبب؟؟
وليه رغم اننا عارفين انها بضر لسه بندخن؟
والبنات:
تقبلي تصاحبي واحدة بتدخن؟
تقبلي تتجوزي واحد بيدخن؟
والاولاد:
تقبل تتجوز واحده بتدخن؟
ومن هنا
بدأنا الحكاية
والاجوبه بجد كانت حكايه
ااه طبعا اتجوز .....لا طبعا متجوزش........اصاحبها هو ده كلام......هيخاف عليا انا...... .....البنت غير الولد.....قلم بدل السيجارة

محمد23 سنه: ممكن يكون التدخين حاله نفسيه، انا فى يوم كنت مضايق قلت اجرب أهو اطلع زعلي فيها ومن هنا بدأت ادخن،وحاولت كتير ابطلها معرفتش
أصلها حكاية عادة بقالى 5 او6 سنين بدخن ،،مسكت السيجارة بقت عادة،انا شايف ان التدخين عادة والدليل ان لما حد بيحاول يبطل يحط بين صوابعه قلم بدل السيجارة، واصحابي ملهمش دخل انا جربت لوحدي،
لا طبعا مقبلش اتجوز واحده بتدخن لان الرجاله غير الستات، الست لما بتدخن وتتجوز مش بتضرنفسها بس لا والجنين كمان
طالبة بكليه الاداب: مش كل اللى بيدخنوا وحشين ،بابا بيدخن ورغم انه شايل كلى مبطلهاش قللها وخلاص، وحولنا كتير معاه وفشلنا
مبرره ازاى ابطل والدكاتره اللى بيعلجوني بيدخنوا
ممكن اتجوز واحد بيدخن لان مش شرط كل اللى بيدخنوا يبقوا مش كويسيين
ومينفعش اصاحب بنت بتدخن لان المجتمع اللى اتربينا فيه وعشنا فيه مش هيقبل بنت بتدخن
التدخين بالنسبة للاولاد غير التدخين بالنسبة للبنات
حاصل على بكالوريوس تجارة29سنه: بدأت ادخن من اولى كليه، وكان تعبير عن الضغط العصبي والمزاج الكويس كمان،،مش عارف ليه مببطلهاش
وعمري ما اتجوز بنت بتدخن...... ليـــــــــــه؟؟
لان التدخين عند البنت بيعبر عن الانحراف وكمان هيضرها في الانجاب
واصحابي كانوا هما بداية التدخين
لكن معظم الشباب بيدخنوا عشان يترسموا قدام البنات
شيماء 21سنه: شايفه ان التدخين بسبب ان العقيدة مش سليمه لان لو في عقيدة صح مش هأذي نفسي،،واخويا دخن بسبب شله اتعرف عليها فى سيبر
بس كانت مجرد تجربة وخلاص
لا طبعا طبعا...متجوزش حد بيدخن لانه مخفش على صحته هيخاف عليا انا
و لا اصاحب بنت بتدخن
خريج30 سنه: بدأت ادخن من اولى ثانوي واحد صاحبي جربت معاه
وبقت عاده
ورغم انى عارف انها بتضر الا انها بقت عاده خلاص
والبنت لما تدخن غير الولد
طالبه20 سنه: ممكن اتجوز واحد بيدخن لو كان كويس..... اخويا شربها بسبب خناقه.. البيت كله اتقلب عليه فتعرف على شله فاسده فشرب سجاير
عمري ما امشي مع بنت بتدخن.

وانتم بقى شايفين ايه؟؟؟

تحقيق أجرته : ميناس صلاح الدين